Lifandi Drottinn við komum fram fyrir þig í Jesú nafni og leggjum í þínar hendur unga konu sem er að fást við erfiða sjúkdóma þar á meðal fíkn. Drottinn þú þekkir hana og hennar aðstæður. Verkina, sársaukann, óttann og einmanakenndina. Við biðjum þig um fullan sigur inn í hennar kringumstæður. Að þú mætir henni og gefir góðan bata að öllu leyti. Viltu leiða alla lækna og sálfræðinga og aðra sem að hennar málum koma, tala til þeirra og opna bestu leiðina. Viltu hugga fólkið hennar, tala til þeirra, hughreysta og blessa þau. Gefðu þeim styrk í gegnum þessar aðstæður. Við biðjum þig Drottinn að þú takir og umfaðmir þessa fjölskyldu og vini þeirra. Takk fyrir að við getum leitað til þín og að allt samverkar til góðs þeim er Guð elska. Í Jesú heilaga nafni. Amen.

Innsent bænarefni.