Biblían

Hér getur þú lesið orð dagsins á hverjum degi, orðin koma frá Lestri Dagsins á www.biblian.is

Með því að fara inn á www.biblian.is getur þú dregið þér mannakorn, flett upp í Biblíunni og lesið hana í heild sinni.

Orð dagsins

Jóh. 4.19-26

19 Konan segir við hann: „Drottinn, nú sé ég að þú ert spámaður. 20 Feður okkar hafa tilbeðið Guð á þessu fjalli en þið segið að í Jerúsalem sé sá staður þar sem tilbiðja skuli.“
21 Jesús segir við hana: „Trú þú mér, kona. Sú stund kemur að þið munuð hvorki tilbiðja föðurinn á þessu fjalli né í Jerúsalem. 22 Þið tilbiðjið það sem þið þekkið ekki. Við tilbiðjum það sem við þekkjum því hjálpræðið kemur frá Gyðingum. 23 En sú stund kemur, já, hún er nú komin, er hinir sönnu tilbiðjendur munu tilbiðja föðurinn í anda og sannleika. Faðirinn leitar slíkra tilbiðjenda. 24 Guð er andi og þeir sem tilbiðja hann eiga að tilbiðja í anda og sannleika.“
25 Konan segir við hann: „Ég veit að Messías kemur – það er Kristur. Þegar hann kemur mun hann kunngjöra okkur allt.“
26 Jesús segir við hana: „Ég er hann, ég sem við þig tala.“